• Բարի գալուստ Dolma ռեստորան
098-018-018
098-018-011
Տիգրան Պետրոսյան 23/2
Դավթաշեն, Երևան

Ռեստորանային բիզնեսի թոփ թրենդները 2021-ում

Ռեստորանային բիզնեսի թոփ թրենդները 2021-ում

Ռեստորանային թրենդները արագ են փոփոխվում. դա մասնավորապես կապված է կարանտինային պայմանների հետ։ Եթե նախկինում ռեստորանից առաքումն այդքան տարածված չէր, ապա այսօր շահույթի մեծ մասն ապահովում են առաքումները։ 

Ի՞նչ է լինելու ռեստորանային բիզնեսի հետ այս տարի։

Կարանտինի հետևանքով սրճարանները և ռեստորանները դատարկվում են. մարդիկ ստիպված են տանը մնալ։ Ռեստորանային բիզնեսի նոր տենդենցները օգնում են վերջիններիս շարունակել իրենց գործունեությունը։ Այն հաստատությունները, որոնք չեն դիմակայում փոփոխություններին, շուտով փակվում են։ Իսկ դեռ գործող հաստատությունների եկամուտը զգալիորեն նվազում է։

Իսկ հիմա արդիական թրենդների մասին

Առաքում 

Ինչպես նշեցինք` կարանտինային պայմաններն այս կետն ամենակարևորն են դարձրել։ Ուեստների առաքման և օնլայն պատվերների ընդունման մշակույթը շատ արագ է զարգանում, հատկապես երբ ընկերությունների աշխատանքը սահմանափակվում է միայն դրանով։

Աճում է նաև «վիրտուալ ռեստորանների» պահանջարկը, որոնք չեն ընդունում օֆֆլայն հյուրեր և ծավալում են իրենց գործունեությունը բացառապես առաքման համար։ 

Առաքման տենդենցները

Համաձայն ResearchAndMarkets-ի վերջին հետազոտության` 2018 թվականին համաշխարհային շուկայի ուտեստների առաքման ընդհանուր մասը կազմել է 84,6 մլրդ ԱՄԴ։ Ըստ վերլուծաբանների կանխատեսումների առաջիկայում ևս սպասվում է ակտիվ աճ, միջինում` 9,8%-ով մինչև 2026 թվականը։  

Առողջ սնունդ 

Բոլոր նրանց համար, ովքեր սիրում են առողջ սնվել, բայց չեն ցանկանում երկար սպասել, բացվում են fast-casual ռեստորաններ։ Այսպիսի հաստատություններում մարդիկ ստանում են թանկարժեք ռեստորանների որակին գրեթե համարժեք որակ ունեցող սնունդ և ոչ շատ թանկ։

Ավտոմատիզացում և դիջիթալացում

Համընդհանուր սննդի շուկայում մասնագետների քանակը դարձել է լուրջ խնդիր։ Ավտոմատիզացիան թույլ է տալիս ավելի արագ և քիչ ծախսերով սնունդ պատրաստել. ինքնասպասարկումը գնալով ավելի արդիական է դառնում։ 

QR կոդեր

Ռեստորանները գնալով ավելի շատ են հրաժարվում թղթե մենյուներից և անցում կատարում QR կոդով աշխատող մենյուների։ Լրացուցիչ սպասարկման կարիք չի առաջանում։ Ամրացրեք պարզապես QR-ը սեղանին և հաճախորդը պատվեր կկատարի  կոդը սկանավորելով։ Մենյուից բացի կարելի կցել նաև հեռախոսով վճարման համակարգ, հավելյալ տեղեկություններ և այլն։ 

Ընտրեք նեղ սեգմենտ

Որքան նեղ և մասնագիտացված է ձեր ռեստորանը, այդքան հավանականությունը մեծ է, որ հաճախորդը նախընտրությունը կտա հենց ձեզ, որովհետև դուք իրոք լավ եք պատրաստում։

Ռեստորանի ընտրության հարցը

Շատերի համար ռեստորանի ընտրությունը բավականին բարդ և կարևոր հարց է։ Չէ՞ որ այնտեղ նրանք նշում են իրենց կյանքի կարևորագույն առիթները։ Նրանք չեն գնում առաջին պատահած ռեստորանը և ընտրություն կատարելիս հաշվի են առնում ընկերների կարծիքը, տեղանքը և մի շարք այլ հանգամանքներ, որոնցից են՝

Ինտերիերը — Հաճախորդները ուշադրություն են դարձնում դիզայնին։ Որոշների համար կարևոր է, որ տարածքը լինի ժամանակակից և հագեցած լինի նորաոճ կահույքով։ Դա նրանց համար առաջնային է։ Իսկ որոշները նախընտրում են ընտանեկան հանգիստ և հարմարավետ միջավայր,առանց ճոխությունների և ավելորդությունների։

Խոհանոցը- Երևի թե ամենակարևոր հարցերից մեկն է։ Նախընտրությունները կարող են շատ տարբեր լինել կախված հաճախորդների տեսակներից։ Շատերը նախընտրում են հայկական խոհանոց, իսկ որոշները անընդհատ ուզում են փորձել նոր և թրենդային ուտեստներ։ Այնուամենայնիվ, եթե ռեստորանում լինի ոչ թե մեկ, այլ մի քանի խոհանոցների ուտեստներ, հավանականությունը ավելի մեծ է, որ կընտրեն հենց Ձեր ռեստորանը, քանի որ այդ դեպքում բոլոր հյուրերը կկարողանան ընտրել իրենց ճաշակին համապատասխան տարբերակներ։ Հիմա բավականին տարածված են ռեստորանները, որտեղ խոհանոցի հատվածը տեսանելի է հյուրերի համար և նրանք կարողանում են հետևել ուտեստների պատրաստման ընթացքին։ Դա վստահություն է ներշնչում։

Գինը- Ցածր գների դեպքում հաճախորդները կկասկածեն ուտելիքների որակի և համային հատկանիշների վրա և շատ դեպքերում դա կվանի նրանց։ Բարձր գները նույնպես կարող են վախեցնել շատերին և ետ պահել ռեստորան այցելելուց։ Այդ պատճառով գները պետք է լինեն արդարեցված՝ ոչ շատ մատչելի, ոչ էլ չափից դուրս թանկ։

Երաժշտություն- Կա հաճախորդների տեսակ, որոնց ռեստորան այցելելու հիմնական նպատակը երեկոյան կենդանի երաժշտություն լսելն է և ծանր աշխատանքային օրվանից հետո լիցքաթափվելը։ Նրանք հաշվի են առնում, թե ինչ երաժիշտներ են հանդես գալու և երաժշտության ժանրը, իսկ մատուցվող ուտեստները նրանց համար երկրորդական են։

Ռեստորանի գտնվելու տարածքը և պատուհանից բացվող տեսարանը- Պետք չէ անտեսել այս կետը։ Լավ ռեստորանները տեղակայված են լինում մարդաշատ վայրերում, այնտեղ որտեղ շատ են գրասենյակները և աշխատավայրերը, որպեսզի հասանելի լինեն որքան հնարավոր է շատ մարդկանց։ Պատուհանից բացվող տեսարանը նույնպես շատ կարևոր է։ Կան մարդիկ, որոնք միայն գեղեցիկ տեսարանը վայելելու համար պատրաստ են ժամերով լինել նույն վայրում։

Այս բոլոր կետերին ուշադրություն դարձնելու դեպքում Ձեր ռեստորանը չի ունենա հաճախորդների պակաս և կունենա մրցակիցների նկատմամբ շատ առավելություններ։

CRM համակարգը սրճարաններում և ռեստորաններում

CRM-ը փոխհարաբերությունների համակարգ է, որտեղ բիզնեսի ողջ փիլիսոփայության կենտրոնը հանդիսանում է հաճախորդը, իսկ կազմակերպության գործունեության գլխավոր ուղղությունները համարվում են էֆֆեկտիվ մարքեթինգը, վաճառքները և սպասարկումը։ 

Հատկապես ռեստորանային բիզնեսի կենտրոնը հանդիսանում է հաճախորդը:

CRM-ը հնարավորություն է տալիս ապահովել անհատական սպասարկում, որը մինչև մանրուքները հարմարեցված է տվյալ հաճախորդին։ 

Միգուցե թվա, որ այս ամենը առանց CRM-ի էլ կա: Եկեք հստակ դիտարկենք իրավիճակը CRM-ի բացակայության դեպքում:

Պատկերացնենք ռեստորան, որտեղ աշխատող անձնակազմը, բացումից ի վեր, չի փոփոխվել, չի փոխարինվում և չի հիվանդանում։ Յուրաքանչյուր մատուցող, մարքեթոլոգ, մենեջեր և բարմեն դեմքով ճանաչում են հաճախորդներին, նույնիսկ` անունով։ Եվ յուրաքանչյուր աշխատող կարող է մի քանի անգամ այցելած հաճախորդին դիմել անունով, հիշել սիրելի ուտեստները և նախընտրած սեղանը։

Հնարավոր է, որ առանց CRM համակարգի նման սպասարկում ձևավորվի, բայց միայն այն դեպքում, եթե հաճախորդը որոշակի գումար և ժամանակ է ծախսել տվյալ կազմակերպությունում` օգտվելով վերջինիս ծառայություններից։

Ինչպե՞ս առաջին իսկ այցերից հաճախորդին զգացնել տալ, որ իրեն ճանաչում են:

Համակարգը թույլ է տալիս գրանցել և հիշել ցանկացած հյուրի։ Դրա համար անհրաժեշտ է հավաքագրել տվյալները, ներառել համակարգի մեջ։ Դա երկար և բարդ, բայց արդյունավետ պրոցես է: 

Ինչո՞վ են տարբերվում ձեր մտերիմներն ու ուղղակի ծանոթները։ 

Մտերիմները ծանոթ են ձեր նախասիրություններին, հիշում են ձեր ծննդյան օրը, նվերներ են տալիս, խոսում են երկուսիդ հետաքրքրող թեմաներից:

Ինչպե՞ս կառուցել նմանատիպ հարաբերություններ հյուրերի հետ այն դեպքում, երբ անձնակազմը պարբերաբար փոխվում է, անընդհատ մենյուին և ծառայություններին ծանոթանալու կարիք է առաջանում: Առաջիկա 3-6 ամիսների ընթացքում դեմքերը մտապահելու մասին խոսք անգամ չի կարող գնալ: 

Տեսնենք, թե ինչ առավելություններ է տալիս CRM-ը

1. նամակներին պատասխանելու միասնական համակարգ: Այս բազային գործիքը թույլ է տալիս հեշտացնել հյուրի հետ շփման գործընթացը: Էլ կարիք չի առաջանում անընդհատ Instagram-ից WhatsApp տեղափոխվելու, առանձին հեռախոսազանգերի պատասխանելու և թղթի վրա նշումներ անելու: 

2. Երբ CRM-ը կցված է կայքին և համակարգին, մենեջերը կարողանում է պատվեր գրանցել հենց այնտեղ որտեղ հաճախորդի հետ խոսակցություն է վարում` ընդամենը մեկ քայլով:

3. Համակարգը ինքնուրույն մենեջերի համար առաջադրանքներ է կազմում, հիշեցնում է բաց թողնված զանգերի մասին. այդպիսով ոչ մի զանգ առանց արձագանքի չի մնում: 

4. Մարքեթոլոգի համար հնարավորություն է ստեղծվում սեգմենտավորել հաճախորդներին` ըստ վերջիններիս նախասիրությունների և այցելության հաճախականության: Նամակներ ուղարկել կոնկրետ խմբի օգտատերերին. օրինակ` սթեյքերի ակցիայի մասին հայտնել այն հաճախորդին, ով սթեյքեր սիրում է և 14 օրից ավել ձեզ չի այցելել:

5. Կառավարիչը ունենում է հստակ տվյալներ` գործարքների, հյուրերի և ուտեստների մասին:

CRM-ը, անհատական ծառայությունների ձևավորման համար, անփոխարինելի գործիք է: